ՀՀ Տնտեսական մրցակցության պաշտպանության պետական հանձնաժողովը շնորհակալություն է հայտնում Հանձնաժողովի գործունեությունը լուսաբանող լրագրողներին` արդյունավետ համագործակցության համար եւ կատարում է լրագրողների` 2010 թվականի հավատարմագրումը:
 
ՀՀ Տնտեսական մրցակցության պաշտպանության պետական հանձնաժողովում 2010 թ. հավատարմագրման համար, Հանձնաժողովում լրագրողների հավատարմագրման կարգի համաձայն, անհրաժեշտ է զանգվածային լրատվամիջոցի կողմից մինչեւ 2010 թվականի հունվարի 27-ը Հանձնաժողով ներկայացնել`
 
1. գրավոր դիմում (հանձնաժողովի նախագահի անունով)` նշելով լրատվական գործունեություն իրականացնող իրավաբանական անձի լրիվ անվանումը, կազմակերպական-իրավական ձեւը, գտնվելու վայրը, իսկ եթե լրատվական գործունեություն իրականացնողը ֆիզիկական անձ է, ապա նրա ազգանունը, անունը, հայրանունը (եթե հայրանունը նշված է անձնագրում), բնակության վայրը (հասցեն),
2. հավատարմագրման ներկայացվող լրագրողի` ըստ անձնագրի ազգանունը, անունը, հայրանունը (եթե հայրանունը նշված է անձնագրում),
3. լրագրողի ներկայացրած լրատվության միջոցի (լրատվության միջոցների) անվանումը,
4. լրատվական գործունեություն իրականացնողի եւ լրագրողի էլեկտրոնային հասցեները, հեռախոսների ու հեռապատճենների համարները:
 
Հավատարմագրումն իրականացվում է մեկ տարի ժամկետով, իսկ լրատվական գործունեություն իրականացնողի դիմումում ավելի պակաս ժամկետ նշվելու դեպքում` տվյալ ժամկետով: Հավատարմագրման ենթակա են յուրաքանչյուր լրատվության միջոցը ներկայացնող ոչ ավելի, քան երկու լրագրող եւ երկու լուսանկարիչ կամ տեսաձայնագրման երկու օպերատոր: